စပ်လျဉ်း၍ အောက်တိုဘာ ၄ ရက် နံနက် ၁၁ နာရီခန့်က ကွန်ဂရက်လွှတ်တော် အဆောက်အအုံ ရင်ပြင်ရှေ့တွင် ဆန္ဒပြပွဲများကို ဆင်နွှဲလျက်ရှိစဉ် အမျိုးသားတစ်ဦးသည် မိမိကိုယ်ကိုမိမိ မီးရှို့ခဲ့ကြောင်း အင်တာနက် သတင်းတစ်ရပ်အရ သိရသည်။ ၎င်းအမျိုးသားသည် အစိုးရဌာနများ ပိတ်ခဲ့မှုနှင့် စပ်လျဉ်း၍ ဝါရှင်တန်မြို့ရှိ အမျိုးသား ခန်းမရှေ့တွင် အောက်တိုဘာ ၄ ရက် မွန်းလွဲပိုင်းက ကိုယ့်ကိုယ်ကိုယ် မီးရှို့၍ ဆန္ဒပြခဲ့ကြောင်း ဒေသတွင်း ရဲတပ်ဖွဲ့က အတည်ပြုပြောကြားခဲ့ သည်။ ထို့နောက် ရဲတပ်ဖွဲ့ဝင်များသည် အခင်းဖြစ်ပွားရာသို့ ရောက်ရှိလာခဲ့ပြီး ၎င်းအမျိုးသားအား ဆေးရုံသို့ပို့ဆောင် ပေးခဲ့ကြောင်းနှင့် ၎င်းအမျိုးသားမှာ ဒဏ်ရာ အပြင်းအထန် ရရှိခဲ့ကြောင်း ရဲတပ်ဖွဲ့ဝင်များ၏ ပြောကြားချက်အရ သိရသည်။
ယင်းကဲ့သို့ အမေရိကန် ပြည်ထောင်စုတွင် အစိုးရလုပ်ငန်းများ ရပ်ဆိုင်းခဲ့ခြင်းကြောင့် ယာယီနားခွင့် ရရှိထားသော အစိုးရဝန်ထမ်းများသည် နိုင်ငံရေးအရ ထွက်ပေါက်မရှိသော အခြေအနေတစ်ခုတွင် ပိတ်မိနေခြင်းထက် ၎င်းတို့၏ လုပ်ငန်းများကိုသာ ပြန်လည် လုပ်ကိုင်လိုကြကြောင်း အလုပ်သမားခေါင်းဆောင်များက အလေးထားပြောကြားခဲ့သည်။
အဆိုပါ ဆန္ဒပြပွဲများတွင် အလုပ်သမားများသည် ကွန်ဂရက်လွှတ်တော် အဆောက်အအုံ ပိတ်ထားခြင်းကို အဆုံးသတ်ရန်နှင့် လုပ်ငန်းခွင်သို့ ပြန်လည် ဝင်ရောက်ခွင့်ပြုရန် တောင်းဆိုခဲ့ကြောင်း အမေရိကန် အစိုးရအလုပ်သမား အဖွဲ့အစည်းမှ ဥက္ကဋ္ဌ ဂျေဒေးဗစ်ကော့ဇ်က ပြောကြားခဲ့သည်။
မြ၀တီ
No comments:
Post a Comment